الأستعداد للتمارين

يلا نبدأ مع بعض الأستعداد للتمرين بالأتى:

1. أغسلى ايدك كويس أوى بالميه والصابون ومتحوليش تلمسى وشك وايدك مش نضيفه لأن ده ممكن يسبب حبوب والتهابات فيها.

2. أغسلى وشك بالمنظف اللى متعوده عليه - نشفيه كويس - حطى كريم مرطب وأنصحك بأى زيت أو باتر طبيعيه زى زبده الشيا مثلا أكيد أفضل من الصناعى.(Shea Beauty).

ليه لازم نرطب الوجه بعد غسله وقبل التمرين؟ لأن ده هيخلى الجلد مرن أكتر وبالتالى متتكونش خطوط على الوجه نتيجه جفافه أثناء التمرين. ده غير ان ده بيخلى الوجه يمتص الكريم اللى انتى حطاه اسرع واحسن وبالتالى نتيجه أفضل.

3. علشان التمرين يبقى مفيد ومؤثر فعلا لازم تحسى بشد خفيف فى عضلات وشك بعد الأنتهاء منه. زى كده لما تمرينى اى عضله فى جسمك بتحسى بشد بسيط فيها نتيجه تكون حمض اللاكتيك وده معناه ان العضله وقع عليها شد كفايه انها تعيد بناء نفسها بشكل أقوى.

4. تقدرى تتخلصى من الأحساس بالشط العضلى ده بإنك تعملى مساج للعضله المشدوده.
5. التمارين اللى هنعملها بتعتمد على أرخاء وشد العضله المعنيه بإنتظام ولمده زمنيه معينه وبالتالى تقويتها.
6. زى ما كل الرياضيين عارفين ان بعد التمرين بيروح ياكل بروتينات علشان العضله اللى محتاجه غذاء تقوى وتبقى أفضل وده بيحصل فى خلال 30 دقيقه بعد التمرين. وعليه ممكن تعملى تمارين وشك بعد الأكل او قبله علطول علشان تحصلى على أكبر قدر من الفائده.

يلا نبدأ :)