تمارين الجبهه

الجبهه من المناطق المهمه اللى بتظهر عمر الوجه. التجاعيد اللى بتتكون فيها بتبقى خطوط عرضيه بعرض الجبهه وخطوط طوليه بين الحاجبين وديه بتتكون بشكل طبيعى مع التقدم فى العمر. لكن ساعات بتبقى موجوده كخطوط تعبيريه علشان انتى دايما مقطبه او رافعه حواجبك. التمارين ديه بتنفع للتجاعيد اللى بتتكون بشكل طبيعى انما الخطوط التعبيريه لازم الأول تبطلى تقطبى او تكرمشى جلد جبهتك :)

بعد ما ترطبى بشرتك بأى مرطب زى ما أتفقنا فى خطوه الأستعداد (Shea Beauty).

- التمرين ده للجزء السفلى من الجبهه بالأضافه للمنطقه العليا حول العين:

1. حطى صباع فوق كل حاجب كما هو موضح بالفيديو.

2. أسحبى لتحت شويه

3.أبدأى ارفعى حاجبك لفوق مستخدمه صباعك كمقاومه.

4. أثبتى على الوضع ده لمده ثوانى. وبعدين نزلى حاجبك تانى.

5. كررى التمرين 20 مره.

- التمرين التانى للجزء العلوى والمتوسط للجبهه:

1. ضعى أصابعك بشكل عمودى على جبهتك فوق نهايات منطقه الحواجب كما هو موضح بالفيديو.
2. أسحبى جبهتك برفق.
3. أرفعى وأخفضى حاجبيكى.
4. كررى 20 مره.

- تمرين للمنطقه ما بين الحاجبين:

المنطقه ديه مهمه اوى ومن اكتر المناطق اللى ممكن تخلى شكلك يبان غضبان او جاده زياده عن اللزوم او قلقانه 

1. ضعى أصبعيكى بشكل أفقى مع حاجبيكى كما هو موضح بالفيديو.
2. أسحبى أصبعيكى بحاجبيكى برفق ناحيه الخارج.
3. دلوقتى حاولى تعقدى حاجبيكى وانتى بتقاومى الشد اللى واقع عليهم من صوابعك. (تعقدى حاجبيكى يعنى تقربيهم من بعض زى ما تكونى بتكشرى كده :) )
4. عودى للوضع الأول.
5. كررى 10 مرات.