أصغر 10 سنين

تمارين لشباب الوجه



العنوان غريب انا عارفه.. يعنى ايه تمارين للوجه؟ هنرفع بيه أثقال يعنى ولا هنلعبه فى الجيم :)

- الموضوع بسيط وجميل خالص
الوجه زيه زى اى مكان فى الجسم فيه عضلات. تحت الجلد فيه عضلات هى المسئوله عن تحريك كل حته فى وشك, جفونك , شفايفك, خدودك, وهكذا. وهى اللى بتدى لوجهك شكله المميز والمختلف وكمان هى السبب فى ان وجهك يبان أكبر أو أصغر. ليه بقى؟
لأن العضلات ديه زيها زى باقى عضلات الجسم مع التقدم فى العمر بتضعف خصوصا لو مبندربهاش. فشويه تلاقى خطوط رفيعه بدأت تتكون حوالين عنيكى وحوالين فمك. شويه وتلاقى رقبتك بقى فيها لغد. خدودك نزلت مبقتش مرفوعه زى زمان. جبهتك فيها خطوط بالعرض وبالطول. جفنك العلوى نزل لتحت وعنيكى قفلت شويه. وكل ما العمر يمر العضلات بتضعف أكتر وبالتالى العلامات ديه تزيد أكتر وبتدى الشكل المميز لكبار السن.

- تمارين الوجه هى أحدث صيحه لعلاج كل العلامات ديه وتلافيها ومنع ظهورها من الأساس وبالتالى يفضل وشك شباب علطول من غير لا بوتكس ولا فيلر ولا حقن ولا اى حاجات كيميائيه ولا جراحه ولا فلوس تدفعيها. كل الموضوع انك هتواظبى على عمل التمارين ديه يوم بعد يوم وهتشوفى نتيجه هايله تفرحك :)

- حاجه غريبه أوى! طيب لما الموضوع سهل كده أمال مش مهور ليه؟ ليه مش كل الناس عرفاه؟ ليه دكاتره التجميل مش بتقول عليه؟
الإجابه سهله جدا. ببساطه كده أنتى بتقطعى أكل عيشهم. يعنى لما كل الناس تعرف كده مين اللى هيشترى الكريمات الغاليه بتاعه شد البشره والتجاعيد وخلافه؟ مين اللى هيروح يدفع فلوس فى فيلر وبوتكس وعمليات؟؟

تعالى نتعرف بالتفصيل على الموضوع المهم ده وتبدأى رحله الشباب - من النهارده كل ما يوم يمر وشك بيصغر أكتر :)

تعريف بخريطه عضلات الوجه.
الأستعداد للتمارين
تمارين الجبهه
تمارين لمنطقه ما حول العينين
تمارين الأنف
تمارين الخدود
تمارين الفم
تمارين للقضاء على اللغد
تمارين لمنطقه الذقن
تمارين لمنطقه الرقبه
ما بعد التمارين


ليست هناك تعليقات:

إرسال تعليق