الشيا باتر عباره عن ماده دهنيه تستخرج من جوز شجره الشيا التى تنمو طبيعيا فى غابات وسط وغرب أفريقيا منذ الاف السنين .
فى أفريقيا الناس بيستخدموها لكل حاجه بما فيها الأكل وفى صناعه الحلويات بدل الكوكو باتر coco butter.
الشيا باتر بتستخرج من ثمار شجره الشيا اللى فى الصوره ديه بشكل ميكانيكى . وميكانيكى معناها بدول كيميكلز او اى عمليات تسخين تغير من صفات الدهن المستخرج.
زبده الشيا صلبه فى درجات الحراره البارده وبتذوب ببطىء عند ملامستها للجسم. يعنى طول ما انتى شيلاها فى مكان جيد التهويه ودرجه حرارته معتدله هتبقى فى صوره صلبه. لو أخدتى منها حته فى ايدك وسبتيها شويه هتلاقيها بتذوب ببطىء وتتحول لزيت وتقدرى فى الحاله ديه تدهنيها . لو شلتيها فى مكان دافى او مغلق وغير جيد التهويه هتلاقيها أتحولت لسائل برده.
والأفضل طبعا انك تشليها فى مكان جيد التهويه وجاف لضمان سلامتها وصلاحيتها لأطول فتره ممكنه تصل الى سنتين.
وفى الأجواء الحاره جدا ممكن تشيليها فى التلاجه.
وده لينك فى بيتكلم عن كيفيه استخراج الشيا باتر بالتفصيل فى موسوعه ويكيبيديا http://en.wikipedia.org/wiki/Shea_butter
ليست هناك تعليقات:
إرسال تعليق