طريقه حفظ زبده الشيا (الشيا باتر) وصلاحيتها



كلنا طبعا بنسأل السؤال ده والإجابه سهله جدا والحمد لله :)
الشيا باتر ممكن تقعد معاكى سنه كامله مادامت فى مكان جاف وجيد التهويه وفى نفس الوقت معتم. يعنى متتعرضش للضوء . يعنى مثلا على رف فى دولاب متهوى كويس او فى برطمان محطوط فى كيس غامق مبيدخلش الضوء او البرطمان نفسه ميكونش شفاف.

ممكن كمان تقعد معاكى سنتين او اكتر لو شيلتيها فى التلاجه. بس المهم تكونى محافظه عليها كويس جدا من ان يوصلها اى رطوبه. يعنى تكون ملفوفه كويس فى كذا كيس وتكون بعيده عن اى سوائل.

طيب النظام ايه؟
هقولك:
انتى لو عندك كميه كبيره هتقعد معاكى كذا شهر مثلا قسميها : خلى جزء منها بره لأستعمالك فى حدود شهر مثلا والباقى شيليه فى التلاجه. ولما تخلصى اللى عندك طلعى من اللى فى التلاجه بالمعلقه (تكون جافه ) فى برطمان تانى ورجعى الباقى للتلاجه.
طبعا هتبقى جامده .. سيبيها بره شويه فى درجه حراره الغرفه وهتلاقيها فكت ورجعت لقوامها الطبيعى.

خلى بالك بقى من حاجه : الشيا اللى بتتحط فى التلاجه ساعات بتحبب يعنى تبقى grainy عادى مفيهاش حاجه ده طبيعى جدا وميقلقكيش :)

ملحوظه: متسبيش الشيا فى العربيه مثلا وكل شبابيكها مقفوله هتسيح منك. بس حتى لو ساحت جمديها تانى مفيش مشكله مش بتبقى باظت ولا حاجه. الخوف بس انها تتكب لو العلبه بتاعتها مايله :)

وبكده تقدرى تحتفظى عندك بمخزون كويس من الشيا يكفيكى لحد سنتين وبمنتهى البساطه :)

أحصلى على زبده الشيا من Shea Beauty




ليست هناك تعليقات:

إرسال تعليق