تمارين الخدود

أهميه التمارين فى المنطقه ديه انها بتمنع تدلى عضلات الخدود اللى بيحصل مع الوقت واللى بيأثر فيما بعد على شكل الشفه العليا للفم ويديها الشكل المقوس لتحت الحزين.

فى كذا تمرين لرفع الخدود والحفاظ على العضلات فى المنطقه ديه مشدوده وسليمه وفى فيديو توضيحى بكل التمارين ديه.

بعد ما ترطبى بشرتك بأى مرطب زى ما أتفقنا فى خطوه الأستعداد (Shea Beauty).

- تمرين للمنطقه العليا من الخد:

1. ضعى أصابعك على المنطقه العلويه من الخد مباشره تحت منطقه العين.
2. أبتسمى محركه الجوانب الخارجيه من فمك للأعلى.
3. مع ابتسامتك هتحسى بتقل صوابعك ومقاومتها على العضلات فى المنطقه ديه.
4. أثبتى ثوانى وارجعى للوضع الطبيعى تانى.
5. كررى 20 مره.

- تمرين للجزء الأوسط من الخد:

1. ضعى صباع واحد بشكل أفقى فى منتصف كل خد تقريبا فى مكان نهايه الأنف.
2. أبتسمى محركه الجوانب الخارجيه من فمك للأعلى.
3. هتعرفى انك بتعملى التمرين صح لما تحسى بالعضله فى المنطقه ديه وهى بترفع صباعك لأعلى.
4. أثبتى ثوانى وارجعى للوضع الطبيعى تانى.
5. كررى 20 مره.

خلى بالك وانتى بتعملى التمارين ديه انك متكرمشيش وشك فبالتالى تخلقى تجاعيد جديده. الفيديو التالى بيوضح التمارين بشكل عملى.




- تمرين للخدود السمينه او المنتفخه:

جمال التمرين ده انك ممكن تعمليه وانتى بتطبخى او فى العربيه فى الطريق او فى اى مكان :)

1. أملى فمك ببعضا من الهواء.
2. حركى الهواء ده للجنب الشمال ثم للشفه السفلى ثم الجنب اليمين ثم الشفه العليا وهكذا.
3. أستمرى فى التحريك وفى كل وضع أثبتى لمده 3 ثوانى.

وده فيديو توضيحى:

ليست هناك تعليقات:

إرسال تعليق