الشيا باتر الخام فى منها 3 أنواع:
-yellow
-Ivory
-Nilotica
ال yellow زى ما باين من اسمها صفراء وديه اللى أغلب الناس بيعتقدوا خطأ ان هى ديه الشيا باتر الأصليه وبس وبيعتقدوا ان النوعين التانيين مغشوشين. لكن الحقيقه ان التلاته خام وزى بعض تقريبا والفروق ما بينهم ملهاش علاقه بالغش خالص الفروق ما بينهم سببها الأساسى الظروف المناخيه المختلفه لكل بلد منشأ. لكن التلاته طبيعين وخام واورجانيك وليهم نفس الفوائد الرائعه للبشره.
ال yellow وال Ivory منشأهم الأساسى من غرب أفريقيا وأغلب أنتاج الشيا باتر بيكون من هناك.
ال Nilotica منشأها بلاد شرق أفريقيا زى السودان والمناطق المجاوره ليها وديه نادره اوى وغاليه اوى اوى بسبب ندرتها.
تعالوا نشوف الفروق بينهم فى الرائحه والقوام واللون.
1. ال yellow رائحتها قويه - قوامها قوى - لونها من أصفر لأصفر مائل لخضره خفيفه. الشيا الصفراء كل الناس بتحبها لأعتقادهم انها اقوى تأثيرا من باقى الأنواع وأنها تحتوى على عناصر أفيد. لكن الحقيقه انها مفيده زىيها زى النوعين التانين ومتفرقش عنهم تقريبا فى حاجه. وبيقولوا ان لونها الأصفر ده ساعات بيبقى سببه ان أجزاء معينه من ال nuts بتاعه الشيا محطوطه فيها.
2. ال Ivory رائحتها أقل نفاذيه - قوامها أطرى الى حد ما - لونها كريمى الى كريمى مائل لأخضرار بسيط
3. ال Nilotica رائحتها أقل ما يمكن - درجه طراوتها عاليه جدا بالمقارنه بالشيا اللى من غرب افريقيا وده لأن نسبه الأولين الطبيعى فيها اعلى من نسبه الأولين فى النوعين الأخرين - لونها جولدى جدا وخفيفه
أحنا فى Shea Beauty بنتعامل فى النوعين ال yellow و ال Ivory
ليست هناك تعليقات:
إرسال تعليق