زبده الشيا لعلاج مشاكل الشعر




مشاكل الشعر بتكون يا أما انه ناشف - متقصف - خفيف - مبيطولش - قشره - باهت وغير صحى - خشن وصعب التمشيط

لو شعرك سليم وصحى بس بتستخدميله مستحضرات صناعيه أنصحك تغيرى لحاجه طبيعيه حفاظا عليه من التلف مع مرور الوقت.

مبدأيا عايزين نتفق ان الشعر زيه زيى البشره بيعتمد فى تغذيته على جهتين:
الجهه الداخليه متمثله فى تغذيه سليمه وصحيه - حاله نفسيه جيده - دوره دمويه سليمه - مفيش مرض معين او دواء معين هو المتسبب فى المشاكل ديه.

بعد ما نتأكد ان الجهه الداخليه تمام التمام نبتدى نشتغل ظاهريا.

زبده الشيا او الشيا باتر بمكوناتها الطبيعيه الموزونه وبكل ما فيها من فوائد وفيتامينات واحماض وبخصيتها الفريده فى سرعه امتصاص مسام الجلد ليها تعتبر حل مثالى لكتير من مشاكل الشعر بشكل أمن جدا وطبيعى جدا ولذلك هى هايله للأطفال الصغيرين والكبار على حد سواء.

استعمال الشيا باتر على الشعر وفروه الرأس بشكل منتظم بيطرى الشعر وبيغذيه وبيقويه وبالتالى بتقضى على التقصف بالتدريج وبتعمل على تطويل الشعر لأنه أتغذى كويس فبتقدر بصيلات الشعر الضعيفه تستعيد نشاطتها وتقوى من تانى. كمان بتقضى على قشره الرأس والحكه والألتهابات الناتجه عن ذلك. وبالطبع بتدى لمعان وقوه للشعر الباهت والضعيف.

عايزه اقولكم ان زبده الشيا بتستخدمها النساء الأفريقيات ودول مشهورين بشعرهم المجعد علشان يسهلوا تسريحه ويقللوا من خشونته.

أزاى أستخدمها؟

استخدمى الشامبو اللى انتى معتاده عليه وبلاش الشامبوهات القويه اللى بتنشف الشعر بل يستحسن انها تكون ناعمه ولطيفه على الشعر وبتحافظ على ال ph الطبيعى ليه. ولو شعرك فيه قشره يبقى استخدمى شامبو ضد القشره اللى بترتاحى عليه وانا شخصيا بعد ما جربت كتير انصح بكلير للرجال مش للسيدات لأن بتاع السيدات نشفلى شعرى بصراحه عكس كلير للرجال اللى بالفحم بيسيب الشعر طرى وفى نفس الوقت بينضف فروه الرأس كويس.

بعد الشامبو استخدمى البلسم اللى بترتاحى عليه ويا حبذا لو كان بلسم مرطب علشان يعادل الجفاف اللى حصل للشعر بعد استخدام الشامبو. ولو شعرك فيه قشره انصحك تستخدمى بلسم او حمام كريم هيد اند شولدرز حلو  اوى ولطيف على الشعر.

نشفى شعرك بفوطه برفق عن طريق الضغط عليه من غير شد او عنف لأن الشعر بيكون فى اضعف حالاته وهو مبلول وممكن يتقطع او يقع بسهوله.

سيبى شعرك يجف طبيعى بعض الوقت.

قبل ما يجف تماما وهو لسه مندى ادهنيه بشيا باتر سيان زى ما هى او مخلوطه بزيت أخر زى ما وضحنا فى بوست سابق.
خدى كميات صغيره ودلكيها فى كف ايدك وافرديها على الشعر فى اماكن مختلقه ومتكتريش لأنها بعد شويه هتسيح لوحدها وتختلط بالشعر كله.

لفى شعرك. انا شخصيا بنصح بلف الشعر جدا مع انه خطوه رخمه بس نتيجته حلوه اوى خصوصا للى شعرهم طويل. لفيه طاقيه او دوامه او على رولات او زى ما تحبى. وبالطريقه المعتاده ليكى.

لحد هنا والخطوات ديه كافيه جدا للمحافظه على الشعر لامه وصحى وسهل التسريح وطرى مفيهوش هيشان وممكن تكتفى بيها فى حاله ان شعرك كويس ومفيهوش مشاكل.

لو فيه المساكل اللى اتكلمنا عنها فى اول البوست يبقى بعد ما ينشف وتفكيه وتسرحيه تبتدى تاخدى من الشيا باتر على اطراف اصابعك وتدليكى بيها فروه الرأس بشكل دائرى.

واتعودى كل يوم لو قدرتى تدلكى فروه راسك بأطراف اصابعك بشكل دائرى سيان بشيا باتر او حتى من غير . لأن التدرليك فى حد ذاته بيقوى الدوره الدمويه وبالتالى بيساعد على ان التغذيه توصل للشعر وعلى ان مسامه تتفتح فيمتص الشيا باتر اللى عليه بسهوله اكتر.

مع المدارومه على البروجرام ده ومع الحفاظ على نفسيتك فى أحلى واعلى حالاتها  .. أؤؤكدلك ان شعرك هيتحسن يوم عن يوم وهتشوفى الفرق بنفسك :)


أحصلى على زبده الشيا من  Shea Beauty


ليست هناك تعليقات:

إرسال تعليق